२७ भदौ विराटनगर । प्रधानमन्त्री शेरवहादुर देउवाले अप्ठेरो परेपछि मन्त्री मण्डल विस्तार गरिएको वताएका छन् । उनले निर्वाचन आयोगसँगको परामर...
विराटनगर विमानस्थलमा आज पत्रकारहरुसँग कुरा गर्दै प्रधानमन्त्री देउवाले सरकारको काम कारबाहीमा अप्ठेरो परेकाले विस्तार गरिएको बताए । मन्त्रिमण्डल बिस्तार पुरानै कुराको निरन्तरता भएकाले आफ्नो यस कार्यले निर्वाचन आचारसंहिता उल्लंघन नहुने देउवाले दावी गरे ।
देउवाले मन्त्री मण्डल विस्तार गरेर अहिलेको सरकारले निर्वाचन आचार संहिता उल्लंघन नगरेको र निर्वाचन आयोगलाई पनि अप्ठारोमा पार्न नखोजेको उनले बताए ।
तपाईंको सरकारले जम्बो मन्त्रिपरिषदको कीर्तिमानै बनायो नि ? भन्ने पत्रकारको प्रश्नमा देउवाले भने, ‘सरकारको काम कारवाही अगाडि वढाउने क्रममा कतिपय अवस्थामा अप्ठारेमा पर्छ, त्यो अवस्थामा मन्त्री मण्डल विस्तार गर्नु सामान्य कुरा हो । ‘
मधेस भनेको काग्रेस हो
प्रधानमन्त्री देउवाले मधेस भनेको काग्रेस भएकाले स्थानीय तहको निर्वाचनको मत परिणम काग्रेसको पक्षमा बहुमत आउने दावी गरे ।
‘दुई नम्वर प्रदेश मधेसमा छ, मधेस भनेको काग्रेस हो जहिलेपनि काग्रेसले जित्छ ।’ देउवाले भने ।
संविधान संशोधन जनताको भावना अनुसार हुन्छ
प्रधानमन्त्री देउवाले संविधान संसोधन जनताको भावना अनुसार हुने वताएका छन् । संविधान परिवर्तनशील दस्तावेज भएकाले जनताको भवना अनुसारसुधार गदै जान सकिने उनको भनाई थियो ।
उनले मधेसकेन्दि्रत दलले उठाएको माग अनुसार संविधान संशोधनको प्रकृया अघि वढाए पनि एमालेले असहयोग गरेकाले संविधान संसोधनको कार्य अगाडी वढन नसकेको वताए ।
दुई नम्वर क्षेत्रमा हुने स्थानीय तहको निर्वाचनको चुनावी प्रचार सभालाई सम्वोधन गर्न प्रधानमन्त्री देउवा, महामन्त्री शंशका कोइराला, नेता डा. शेखर कोइरालासहितको शीर्ष नेताको टोली आज विराटनगर आएको हो ।
बिराटनगर बिमानस्थल कांग्रेस नेताहरुको टोली आजै सप्तरी प्रस्थान गरेका छन् । प्रधानमन्त्री देउवासहितको टोली तीन दिन २ नम्बर प्रदेशमा रहनेछन् ।
source:onlinekhabar
